BACOLOD CITY – Nagpatigayon sang reshuffling sa mga heads sang 11 ka mga district hospitals nga ginadumala sang probinisiya sang Negros Occidental.
Suno kay Dr. Leonardo Eusebio, head sang Hospital Operations Department (HOD), sa karun lima na ka mga heads ang tigayon nga nabalasa.
Ginpahayag sang HOD head nga normal lamang ini nga proceso kag agud mahatagan man sang bag-o nga environment ang mga tagpamuno sang mga district hospitals.
Si Dr. Maria Estrella Ledesma sa karun ang bag-o nga tagpamuno sang Cadiz Disctrict Hospital kun sa diin nagikan ini sa Silay Provincial Hospital.
Ginsaylo naman sa Gov. Valeriano Gustilo Hospital si Dr. Alan Ramos Jr.
Gikan sa Don Vicente Gustilo District Hospital sa ciudad sang Escalante magasaylo sa Merceditas J. Montilla District Hospital sa ciudad sang Sipalay si Dr. Leonilo Del Carmen.
Samtang si Dr. Carmelo Arguelles naman ang bag-o nga medical specialist sa Provicial Health Office gikan sa district hospital sa ciudad sang Sipalay.
