-- ADVERTISEMENT --
Naghagan-hagan na ang nabaton nga reklamo sang Bacolod Environment and Natural Resources Office (BENRO) angot sa basura sa ciudad.
Suno kay Atty. Allyn Luv Dignadice, Officer-in-Charge sang BENRO, indi kaangay sa tinalikdan nga mga bulan nga madamo sang nagareklamo sa International Solid Waste Integrated Management (ISWIM), angot sa mga basura nga indi mahakot, mga illegal dumping, kag ang schedule sa pagkuha sang basura, sa karun, naghagan-hagan na ang mga reklamo.
Suno diri, kapin lima tubtob napulo ka complaints na lamang kada aldaw ang ila nagakabaton.
Suno kay Dignadice, indi pa siya makahatag sang rate sa ISWIM bangod bag-o pa lamang ini nakabulos bilang garbage collector sa ciudad.
