Nagpatigayon sang public hearing ang Sangguniang Panlungsod sang Bacolod kaupod ang Land Transportation Franchising and Regulatory Board (LTFRB) kag Cooperative Development Authority (CDA) sa pagsolbar sa reklamo sang mga modernized jeepney operators sa idalum sang Cebu People’s Jeep Cooperative.
Nagreklamo ang mga operators sang Cebu People’s Jeep Cooperative bangod nga sila ang ginapanginwala sang kooperatiba.
Suno kay Councilor Al Victor Espino, chairperson sang Committee on Transportation sa Sangguniang Panlungsod, nagtambong sa public hearing si LTFRB regional Director Richard Osmeña kag LTFRB-OIC Atty. Salvador Altura.
Suno kay Espino, gindiskusyonan ang issue sang mga operators kag kooperatiba kag ini ang ginhatagan sang rekomendasyon sa win-win solution sang duha ka bahin.
Ginahulat na lamang ang committee report nga iga-endorse sa SP para mahatagan sang resolution.
Nagapati si Espino nga dako ang mangin bulig sang modernization program kag ang tanan nga isyu nga nagagwa ang nagapakita nga naga-umpisa pa lamang sa paglakat ang programa apang maabot ang tion nga ini ang magasanyog.
Samtang, suno naman kay Atty. Salvador Altura, officer-in-charge sang LTFRB Regional Office 6, handum sang LTFRB nga kumpleto ang supply sang jeep nga maka-akomodar sa publiko.
Suno diri, sila ang nagtambong sa hearing bangod nga imbulbado diri ang PUV modernization program kag LTFRB.
Luyag lamang nila nga magbulig nga masolbar ang problema nga mahimo madala pa man lang sa pag-isturyahanay.
