Gin-anunsyar na nga pagahiwaton ang rematch nanday Floyd Mayweather kag Manny Pacquiao sa Setyembre 19 sa Las Vegas.
Nahibaluan nga ini ang mangin pinakauna nga boxing event sa Sphere kag ipagwa sa Netflix.
Samtang wala pa ma-anunsyar kun ano ang weight class kag ang kalawigon sang match.
Liwat nga maga-atubangay ang duha 11 ka tuig matapos ginlutos ni Mayweather si Pacquaio pinaagi sa unanimous decision sang tinalikdan nga 2015 sa match nga nangin pinakadako nga kinitaan sa maragtas sang boxing.
Gin-ako sang una ni Pacquiao nga may yara ini sang injury sa iya abaga sa tion sang ila nga match, samtang gingamit ni Mayweather ang iya nga depensa nga estilo agud madaug kag magpabilin ang rekord niya nga 50-0.
Suno kay Pacquiao, madugay na nga ginahulat sang mga tagasuporta niya ang rematch kag luyag sini nga mabutangan sang una nga kapierdehan ang rekord ni Mayweather bilang professional.
