Ginpasalamatan sang isa ka seafarer ang kompaniya sini kag ang mga opisyales sang ciudad sang Bacolod nga wala ini ginpabay-an samtang nagapaidalom sa quarantine bangud nalab-utan ini sang lockdown sa Manila kag sa karon, nakapauli na sila diri sa ciudad.
Sa interview sang Bombo Radyo Bacolod kay Jeru Calago, 32 anyos, kasado kag crew sang cargo vessel nga may biyahe Japan kag America, pito na ini katuig nga nagaubra bilang seafarer.
Sang Agosto pa ini sang nakaligad nga tuig nagpanaog kag nagbalik sa Manila sang Marso 6 bangud nakatalana ini nga magbalik sa pagsakay sa barko apang naabtan ini sang lockdown sang Marso 24 bangud sa coronavirus disease 2019 (COVID-19).
Wala man ini ginpabay-an sang kompaniya bangud ginhatagan sila sang pagkaon kag lodging samtang nakaquarantine sa Manila.
Ginpahayag man sini nga makapila sila magpaidalom sa RT-PCR antes nakakuha sang resulta sang Mayo 22.
Ginpasalamatan man sini ang city government sang Bacolod bangud sa maayo nga pag-amuma.
Aminado man ini nga nasubuan siya bangud apisar nakapauli ini, indi pa sini mapalapitan ang asawa kag iloy sini nga nagdul-ong sang pagkaon sa iya apang kinahanglan nila nga sundon ang protocol.
Ginkuhaan man sila sang swab sample.
