Ginbasura sang International Criminal Court Pre-Chamber 1 ang request sang defense counsel ni former President Rodrigo Duterte nga i-revoke ang appointment sang mga abogado bilang common legal representatives sang mga biktima sang crimes against humanity.
Sa siyam ka panid nga public redacted version sang desisyon, ginpahayag sang chamber nga napaslawan ang argumento sang defense nga mapakita ang conflict of interest sa bahin sang mga abogado nga sanday Joel Butuyan kag Gilbert Andres.
Sa 11 ka panid nga dokumento nga napetsahan Pebrero 11, ginhingyo man sang legal team ni Duterte sa Chamber nga manduan ang Registry nga i-suspend ang access sang mga abogado nga sanday Butuyan, Andres, kag Nicolene Arcaina sa case record samtang wala pa ang desisyon.
