Plano sang Visayas regional prize winner sang Buena Mano Salvo Year 18 Promo sang Bombo Radyo kag Star FM nga ipakay-o sang balay ang P50,000 nga iya nadag-an.
Suno kay Danilo Palacios, sang Purok Halandumon, Brgy Banago, Bacolod City, tuman ang iya kalipay matapos nga nagabutan bilang regional prize winner sa Visayas Region.
Suno diri, ang kwarta nga iya nadag-an ang iya gamiton para ipa-repair sang balay sini kag plano man sini nga ipabulong ang iya kaugalingon bangod nga madamo na ini sang ginasuprer nga sakit kaangay sang pneumonia, diabetes kag highblood.
Ang 69 anyos nga tagdaog ang naga-isahanon lamang nga naga-istar sa iya balay.
Dako ang pagpasalamat sini sa Bombo Radyo kag Star FM sa iya nga kadalag-an.
Ang proof of purchase sini nga gingamit amo ang Surf Ultra Power Liquid nga ginagamit man sini kun magpanglaba.
Madugay naman ini nga nagapasakop sa mga promo sang Bombo Radyo.
Samtang, 1 st guaranteed prize winner naman amo si Julie Magsilom sang Brgy San Miguel, banwa sang Murcia, nga nagdaog sang P15,000.
Suno kay Magsilum, nagtumbo-tumbo ini sa kalipay sang nabatian ang iya pangalan bilang tagdaog.
Plano sini nga ibayad sa kuryente ang iya nga nadag-an kag ini ang dako na nga bulig para sa ila sang bana niya nga wala sang palangabuhian.
Siya ang naggamit sang surf powder bilang proof of purchase.
2nd prize winner naman amo si Raymundo Dela Peña sang Brgy Vista Alegre, Bacolod City nga nagdaog sang P10,000 sa proof of purchase sini nga surf powder.
Kag 3rd prize winner amo si Eddie Rose Jaudalso sang Brgy 35, Bacolod City, nga nagdaog sang P5,000.
Suno kay Jaudalso, nagapanglaba ini sang siya nalawagan bilang tagdaog nga wala gid sini gin-ekspektaran.
Tuman ang kalipay sini nga may yara na sila sang inugbayad sa kuryente, bakal sang bugas kag igasto para sa apat sini ka kabataan.
Siya ang naggamit sang proof of purchase nga surf powder.
