Nagdangop sa Ipa-Bombo Ta segment sang Bombo Radyo Bacolod ang isa sa mga nawasak ang balay bangod sa Bagyo Tino sa Brgy Dulao, Bago City matapos nga sila ang ginlista apang nadula ang pangalan sa hatagay na sang financial assistance.
Nahibaluan nga ongoing sa karun ang releasing sang Department of Social Welfare and Development Negros Island Region sang financial assistance para sa nagkalainlain nga Barangay sa Bago City Coliseum.
Sa interview sang Bombo Radyo Bacolod kay Mareen Aliasgo, nawasak gid ang iya nga balay bangod sa Bagyo Tino kag ang ila nga atop amo na lamang ang gingamit nila agud himuon dingding sang balay sang iya amay nga daw maguba naman.
Gipakita mismo sini sa Bombo News Team ang sitwasyon sang iya balay nga mga haligi na lamang ang nabilin.
Suno diri, siya ang yara sa listahan sa paglista sang social worker sang Barangay.
Dugang pa sini nga gin-usikan niya sang oras kag effort ang pagproseso sa mga dokumento kag requirements kun sa diin sa kada paglakat, ginakungkong pa sini ang iya bata nga person with disability (PWD).
Suno sa iya naglakat ini sa Bago City Coliseum sa pagsalig nga yara sa listahan ang iya pangalan, gani dako ang kakibot sini sang mahibaluan nga wala ang iya pangalan sa makabatun sang ayuda.
Nahibaluan nga masobra P10,000 ang mabatun sang mga natumod nga severly damaged ang balay, samtang masobra P5,000 naman ang mabatun sang slightly damaged ang balay.
Suno diri, ginapahayag nga ang Barangay amo ang makasabat sang ila reklamo, apang kaangay nga indi man makapaathag ang ila Punong Barangay.
Sa pag-abot sang Bombo News Team, ginapahayag nga gilayon man nga naghalin ang Punong Barangay nga suno sa pumuluyo may-ara sang ginpakay-o nga dalan.
Panawagan ni Aliasgo nang patas nga paghatag sang bulig.
Suno diri, may iban nga nakabatun apisar nga tangkal ukon kurong sang manok lamang ang naguba, apang sila nga nakita man sang Barangay officials ang kahimtangan sang balay, ang wala pa malakip sa listahan.
