Nafile na sa Sangguniang Panlungsod ang resolution nga magahingyo sa Bacolod City Water District (BACIWA) Prime Water nga ipaiway ukon buhinan ang minimum charges sa mga pumuluyo nga wala man sang nagakabatun nga tubig ukon tuman ka ninit ang supply.
Sa interview sang Bombo Radyo Bacolod kay Councilor Atty. Renecito Novero, chairperson sa Committee on Human Rights sa Sangguniang Panlungsod, unfair para sa mga pumuluyo kun sila ang padayun nga sukton sang minimum charges nga masobra P200 apang wala man sang mabatun nga serbisyo.
Kun indi man mahimo nga ikanselar ang minimum charges, ginapanawagan sang mga konsehal nga mahatagan sang reasonable reduction ukon mapanubuan.
Paathag sini nga dapat kilalahon sang BACIWA Prime Water ang request ilabi na nga sila ang wala man nagadeliver sang supisyente nga supply sang tubig.
Pahayag pa ni Novero nga may pila ka pumuluyo nga nagabayad sang e-bike kag nagapabakal sang tubig sa mga Barangay nga may supisyente nga supply sang tubig.
Suno diri, ini ang indi masarangan sang mga imol nga pumuluyo kag tuman na kabug-at nga palas-anon kadungan pa sa ginabayaran nga wala man nagakabatun nga serbisyo.
