Ginhatagan sang Bacolod City Legal Office sang 72 hours humalin sang Lunes ang Dinmark Resort sa Sitio Aning, Barangay Pahanocoy, Bacolod City agud magcomply sang business permit agud makabukas sila kag maka-operar.
Madumduman nga may nagwa nga video nga may ginpatigayon nga foam party sa nasambit nga resort sang Enero 16 nga sa karun ginadumilian bangud sa COVID pandemic.
Sa interview sang Bombo Radyo kay City Administrator Em Ang, ginpahayag sini nga ginpasirado sang City Legal Office ang resort sang Enero 22 kag boluntary man ini nga ginclose sang tag-iya.
Suno kay Ang, nahibaluan nga wala sang business permit ang nasambit nga resort gani ginhatagan ini sang City Legal Office sang 72 ka oras agud magproseso sang requirements.
Kun indi ini matuman, suno diri, indi sila maka-open.
Naagpahanumdum man ang city administrator sa mga resorts kag establishmento sa Bacolod nga magsunod sa mga ginapatuman nga health protocols kag kun pila lang ka porsyento sang persona nga sarang nga mapasulod, dapat ini nga tumanon.
Gin-athag man sini nga wala pa nalift ang liquor ban sa ciudad gani obligado gid ang mga establishemento nga magsunod diri.
