Gin-kalipay sang Philippine Drug Enforcement Agency (PDEA)- Region 6 nga nag-negatibo ang tanan nga mga drivers, conductors, inspectors, kag empleyado sang tanan nga mga terminal sa bug-os nga rehiyon 6 sa gin-patigayon nila nga mandatory suprise drug testing sadtong nakaligad nga adlaw.
Sa interview sang Bombo Radyo Bacolod sa tagpamaba sang PDEA Region 6 nga si Atty. Dave Garcia, ila gin-kalipay ang nangin resulta bangud sa 368 ka mga ginpang-drug test, ini tanan ang nag-negatibo.
Ginpahayag man ni Garcia nga hilway ang pag-biyahe sang mga motorista subong nga semana santa bangud indi impluwensyado sa iligal nga droga ang mga drivers, magluwas lamang kun may magka-problema mismo sa bus.
Rason naman nga padayon ang ila pakig-angot sa LTO kag LTFRB kag sa pila ka mga counterparts nila sa City government.
Mahibaluan nga may 43 ka mga drivers, kag 37 ka mga conductors sa Ceres South Bus Terminal sa Barangay 31 cuidad sang Bacolod ang gin-drug test; Samtang 50 naman ka mga drivers, 32 ka mga conductors, kag 4 ka empleyado ang gin-drug test man sa Ceres Northbound Terminal sa Barangay Bata nga lunsay nag-negatibo.
