Kadungan sang pagbukas sang Bacolod Chicken Inasal Festival, nagpatuman man sang road closure ang Bacolod Traffic Authority Office (BTAO).
Ang Bacolod Chicken Inasal Festival ang nag-umpisa subong nga adlaw Mayo 24 kag magatakop sa Mayo 26.
Santo sa reroute para sa mga jeep nagikan sa Mandalagan padulong sa Libertad, halin sa point of origin pag-abot sa dalan Gatuslao magaliko ini sa tuo padulong sa North Capitol Road, magaliko sa wala padulong sa Aguinaldo St, magaliko sa tuo padulong sa dalan Lacson kag madirekta na sa kaladtuan.
Sa interview sang Bombo Radyo Bacolod kay Bacolod City Traffic Authority Office Head Patrick Leonard Lacson, magapatigayon sila sang road closure sa Ferrero sa Manokan Country; Burgos kag Rizal Streets.
Samtang sa North Capitol Road siraduhan ang Lacson kag Aguinaldo apang sa Megaworld wala sang ipatuman nga road closure.
Suno kay Lacson magadeploy ang BTAO sang 20 traffic enforcers sa kada venue sang Bacolod Chicken Inasal Festival kag dugangan kun kinahanglan.
