Ginpahayag sang chief-executive officer sang Metro Bacolod Chamber of Commerce and Industry (MBCCI) nga pagtukod sang road plan ang nangin tinutuyo sang ginpatigayon nga Consultative Power Summit nga ginhost sang Negros Occidental provincial government.
Sa interview sang Bombo Radyo Bacolod kay Frank Carbon, ang summit ang nangin panawagan ni Governor Eugenio Jose Bong Lacson sa problema sa kuryente sa probinsya, kasunod sa pila ka mga brownout nga nagluntad nga wala mahatagan sang husto nga explanation.
Suno diri, nagapaggwa lamang sang Yellow Alert kag Red Alert status, apang wala man sang pagpa-intindi sa rason sa pagkadula sang kuryente.
Tinutuyo sang summit amo ang pagbutang sang plano agud nga ma-amat amat ang power security sa karun tubtob sa masunod nga mga tinuig.
Suno kay Carbon, una nga magabutang sang operational plan agud nga mapatuman ang road map plan.
Apang, nagpanugyan naman ini bilang kabahin sang business sector nga unahon ang generating capacity plan kun diin makakuha sang supply sang kuryente, ilabi na nga nahibaluan nga may yara sang 13 ka mga planta sa Visayas ang wala naga-operate, samtang ang iban naman indi na maayo maka-operate bangod nga tuman na ka daan.
