Nagapanawagan ang magulang nga Yanson sa iya mga manghod nga tapuson na nila ang ila inaway.
Kahapon, nagaisahanon nga nag-atubang sa media si Roy Yanson agud magpanawagan sa iya mga utod nga sanday Emily, Ma. Celina, Ricardo Jr., Jeanette kag Leo Rey nga mag-istorya kag tapuson na ang ila kinagamo.
Suno kay Roy, magaabot ang tion nga may yara gid sang magadaog kun sin-o ang magdumala sang Yanson Group of Bus Companies apang mangin kabaylo sini ang pagkaguba sang ila pamilya.
Para sa kamagulangan nga Yanson kag kabahin sang Fantastic 4 upod si Ma. Celina, Emily kag Ricardo Jr., indi pa ulihi ang tanan agud liwat nga magsugod.
Madumduman nga si Roy ang ginbutang sang iya mga utod nga presidente sang Yanson Group of Bus Companies matapos ginkudeta si Leo Rey sang Hulyo 7, 2019.
