Ginbuyagyag sang actor kag musician nga si Sam Milby nga may yara ini sang Type 2 Diabetes.
Ginpost ni Sam ang litrato sang iya nga blood sugar glucose test kit results kag ginpahayag nga nadiagnose ini sang Type 2 Diabetes sang tinalikdan nga tuig.
Santo sa caption sang actor, masami sini ginapanumdom nga isa siya ka healthy nga tawo.
Wala man ini nagakaon sang matam-is, indi man ini palakaon sang junk foods, kag wala sila sang history sang diabetes apang sang tinalikdan nga tuig, natukiban nga may yara ini Type 2 Diabetes.
Gin-abisuhan sini ang iya nga mga fans nga indi pagbalewalaon ang mga sintomas sang nasambit nga balatian.
Ang mga sintomas sang Type 2 Diabetes ang ginalakipan sang increased thirst, frequent urination, increased hunger, unintended weight loss, fatigue, blurred vision, slow-healing sores kag frequent infections.
