Nagaplano ang Sangguniang Panlalawigan sang Negros Occidental nga magpatigayon sang out-of-town session tagsa ka bulan.
Suno kay Vice Governor Jeffrey Ferrer, nga nagaserbe nga presiding officer sang SP, isa ka bes sa isa ka bulan plano nila nga magpatigayon sang session sa nagkalain-lain nga banwa kag ciudad sa palibot sang probinsiya.
Tinutuyo sini nga tikang suno kay Ferrer amo nga mapalapit ang provincial board sa mga pumuluyo kag direkta nga mahibaluan ang ila mga problema.
Mas maayo man suno kay Ferrer nga patigayunon ini sa mga banwa ukon ciudad nga nagapatigayon sang ila kapyestahan.
Ciudad sang San Carlos ang local government unit nga ginatulok sang provincial board nga patigayunan sang ila una nga out-of-town session.
Magluwas diri, ginapahanugutan naman karun ni Ferrer nga magpungko nga presiding officer sa sesyon ang mga Board Members kun wala man lang sang dalagkuan nga talakayan.
