Gin-athag sang chairman sang committee on laws and good governance sa Sangguniang Panlungsod nga wala nagapahanugot ang syudad sang Bacolod nga magaumpisa na ang reclamation project sa Barangay Banago syudad sang Bacolod.
Sa interview sang Bombo Radyo Bacolod kay Councilor Al Victor Espino, ang isyu sa karun sa ginareklamo nga ginapaubra sa Barangay Banago ni Councilor Vladimir Gonzales ang isa ka pribado nga butang sa tunga sang konsehal kag sang punong barangay sang Barangay Banago syudad sang Bacolod.
Gin-athag ni Espino, nga ang resolution of no objection (RONO) nga ginpagwa sang Sangguniang Panlungsod sa pagpanguna sang committee on laws and good governance sa Sangguniang Panlungsod ang isa lamang sa mga requirements sang proposed reclamation project kag ini ang indi magamit agud nga maumpisahan na ang proyekto bangud magapaidalom pa sa madamo nga proseso antes nga maumpisahan ang reclamation project.
Ang reclamation project antes maumpisahan ang nagakinahanglan sang approval sang Philippine Reclamation Authority (PRA) kag Department of Environment and Natural Resources (DENR).
Suno sa konsehal, magapatawag man ini subong nga adlaw sang public hearing agud nga maklaruhan man ang tanan nga palamangkutanon sang mga pumuluyo angot sa reclamation project nga patigayunon sa Barangay Banago pananglit nga maaprubahan na INI sang national government.
Ang public hearing ang paghatag man sang syudad sang pagtamod sa sulat nga ginpadala sang punong barangay sang Barangay Banago kaupod ang barangay council.
Ginpahayag man sang konsehal nga santo sa iya nahibaluan ang ginapaubra sa karun ni City Councilor Vladimir Gonzales amo ang enbancment protection activity sa private property sang pribado nga kompaniya sini apang lantawon sini kun ano ang kamatuoran sa mga nagagwa nga issue nga sabaylo pika-pika daw kaangay nga reclamation na ang ginaubra.
