Security guards, pagagamiton nga intel operatives sang PNP

Nagaplano ang Philippine National Police (PNP) nga magpabulig sa mga gwardiya para sa pagpabilin sang kalinong kag katawhay sang pungsod.

Suno kay Maj. Gen. Edgar Okubo, pinuno sang PNP Civil Security Group, tuman ka importante nga maggamit bilang “force multipliers” kag sa intelligence ang mga gwardiya.

Sa karun, may 575,000 ka security guard sa pungsod kag maayo ang ini nga numero agud makabulig sa mga kapulisan.

Suno pa diri, sarang nga magamit ang mga gwardiya sa mga issue may kaangtanan sa national security, terorismo, smuggling, drug trading kag Internal Security Operation (ISO).