Wala sang narecord nga untoward incident sa gaming venues kag billeting school’s para sa Negros Island Region Athletics Association Meet 2026 humalin sang opening ceremony kahapon.
Sa interview sang Bombo Radyo Bacolod kay Bacolod City Police Office Director Police Col. Eugene Rebadomia, sa opening, ginabanta sini nga nagadangat sa 15,000 ang crowd kalakip na ang atleta, iban nga delegates kag mga tumalan-aw.
Wala naman naka-ankon sang kabudlayan ang kapulisan sa paghatag sang seguridad.
Ginpahanumdom lamang sini sa mga police personnel nga magpabilin nga hydrated ilabi na nga tuman ka init sang panahon.
Nagakoordinar man ang kapulisan sa iban nga ahensya kaangay sang force multipliers, Bureau of Fire Protection, City Disaster Risk Reduction and Management Office kag mga Barangay tanod… Samtang, nangin matawhay ang lakat sang trapiko sa pag-umpisa sang Negros Island Regional Athletic Association Meet 2026 nga opsiyal na nga ginsuguran kahapon sa Panaad Park and Stadium sa Barangay Mansilingan, Bacolod City.
Sa interview sang Bombo Radyo Bacolod kay Police Major Elmer Bonilla, head sang Bacolod City Traffic Enforcement Unit, indi gid man gutok ang trapiko bangod kalabanan sa mga delegates may yara sang ila service bus amo nga naka-grupo ang ila pag-abot.
Suno diri, ginalauman man nga wala sang heavy traffic sa Panaad Park and Stadium bangod iban sa mga pahampang pagahiwaton sa iban nga Local Government Unit sa probinsya.
