Indi man tuman ka bongga ukon ka showy ang selebrasyon sang Valentine’s Day sa India, apang para sa kadam-an, ini sa gihapon ang isa ka adlaw nga sa paghigugma.
Sa interview sang Bombo Radyo kay Marites Kalyanakumar, Bombo Internatioal News Correspondent sa India, ang Valentine’s Day sa India angs kalabanan gina-selebrar sang mga young couples.
Suno diri, indi kaangay sang Pilipinas nga naandan nga maghatag sang bulak kag chocolate sa ila nga partner apang sa India naman kalabanan sang ginahatag nga regalo amo ang alahas, ilabi na sa mga newly married couples.
Dugang pa, may ara man sang makita nga mga dekorasyon sa mga dalagko nga mga malls kaangay sang bouquet sang mga bulak ukon mga Valentine items.
Paathag sini nga wala gina-encourage sa lugar aang pagpakita sang affection sa publiko kag indi man common ang magkahagugma bangud kalabanan diri sang ila nga pamilya ang conservative kag nagakinahanglan nga ang relasyon ang ginapakilala sa pamilya.
