Tuman ang kalipay sang mga Bacoleño matapos nga nagpanagtag sang kwarta si Sen. Manny Pacquiao kadungan sang pag-abot sini sa ciudad agud maglantaw sang hampang sang Maharlika Pilipinas Basketball League (MPBL) nga hiwaton sa University of St. La Salle buwas sa gab-i, Setyembre 21.
Madamo ang nagapila samtang nagapanagtag ang Pinoy ring icon sang kwarta.
Nahibaluan nga apat ka mga teams ang magasambuwa lakip na ang team sang Bacolod nga makaaway ang team sang Soccsksargen samtang magakitaay naman sa basketball court ang team sang Davao kag ang team sang Basilan.
Nahibaluan nga ang MPBL ang gintukod ni Pacquiao sadtong Agosto 29, 2017 kun sa diin may yara ini sang 31 tanan ka mga teams nga nagapasakop.
Sini lamang nga tuig sang nag-intra ang Bacolod sa nasambit nga regional men’s semi-professional basketball league.
