Ginatun-an subong sang Senado kun paano mapadasig ang proseso sang impeachment trial proceedings nga wala nagakaapektohan ang iban pa nga importante nga katungdanan sa gobyerno.
Suno kay Senate President Sherwin Gatchalian, ginabanta malab-ot sa pito tubtob walo ka buwan ang impeachment trial ni Vice President Sara Duterte.
Kun maga-umpisa ang trial sa Hulyo 6, posible magatakop ini sa Pebrero sa palaabuton nga tuig.
Apang, aminado ang Senate President nga mangin mabudlay ang ila nga schedule bangud kadungan sini ang pila ka mga importante nga trabaho partikular na ang pagtalakay sang 2027 national budget, mga imbestigasyon sa mga isyu kaangay sang mga isyu sa flood control projects, kag iban pa nga mga proposed laws nga kinahanglan hatagan sang atensyon.
Kalakip sa mga posible nga mangin tikang ang pagpakighinun-anon sa bahin sang prosekusyon kag depensa para mabuhinan ang numero sang mga testigo kag padasigun ang pagplastar sang ebidensya.
