BACOLOD CITY — Senado na gid lamang ang ginasaligan sang Commission on Human Rights agud nga mabalik ang kantidad sang pondo nga ila ginpropose para sa masunod nga tuig.
Sa interview sang Bombo Radyo, ginpahayag ni CHR Negros Occidental head Romeo Baldevarona nga kuntani ireconsider sang Senado ang desisyon sang Kamara de Representante gani ang Mataas nga Panalgan na gid lamang sang Kongreso ang ila nga ulihi nga tsansa.
Sang nagligad nga tuig suno kay Baldevarona, ginbuhinan man sang Kamara ang pondo sang Komisyon apang ginbalik ini sang Senado.
Paathag sang CHR Negros Occidental head, dapat nga irevise ang Konstitusyon sang Pilipinas kun luyag sang Kongreso nga dulaon ang Komisyon bangud ang pagkatukod sa ila ang yara sa Article 13 Section 18.
Ang CHR ang natukod pinaagi sa Executive Order apang indi ini basta-basta nga matunaw pinaagi sa isa man ka EO.
Ang CHR ang may 400 ka mga empleyado sa bilog nga pungsod apang suno kay Baldevarona, may yara sang security of tenure sa idalom sang Civil Service Commission.
Nakibot man apang nagalaom si Negros Occidental Governor Alfredo Marañon Jr. nga mabalik ang proposed budget sang CHR sa bicameral conference sa diin igapasar ang pondo sa tuig 2018.
