Senador, ginkasubo ang manubo nga mill gate price sang tubo sa Negros Occidental

Ginkasubo ni Senator JV Ejercito ang pagnubo sang mill gate price sang kalamay sa probinsya sang Negros Occidental.

Suno sa senador, ang iya iloy ang tumandok sang probinsya kag sa tion nga magpauli ini, nagapamangkot ini sang sitwasyon sang sugar industry diri.

Bilang author sang Anti-Agricultural Smuggling Law kag Sugarcane Industry Development Act, nasubuan ini sa lakat sang sugar industry ilabi na nga may natalana nga P1.2 billion nga pondo nga ginahatag sa Sugar Regulatory Administration (SRA) para sa modernization kag mechanization program nga makabulig sa mga sugar planters.

Ginalantaw man sini nga dako nga pagpanghakat sa karun ang sugar importation nga may dako nga epekto sa sugar industry.