Matapos ang 15 ka mga hearings, natalana sang Senate Committee on Women, Children, Family Relations and Gender Equality nga tapuson ang ila imbestigasyon natuhoy sa illegal Philippine Offshore Gaming Operators kag kay former Mayor Alice Guo.
Suno kay Committee Chair Senator Risa Hontiveros, sila ang magapatigayon sang ulihi nga hearing sa masunod nga semana agud mawrap up ini.
Luyag nila nga tutukan ang posible nga liability sang Philippine National Police Intelligence Group sa pagpahanugot kay Mary Ann Maslog nga i-mediate ang pagsurrender ni Guo kag sa pagpahanugot sa iya sa pagsulod sa PNP Custodial Center sang makaduha ka beses agud istoryahon ang dismissed official.
Si Maslog ang ginaangot sa 1998 textbook scam kag ginaalegar ginpeke sini ang iya kamatayon agud malikawan nga makasuhan kag sa karun nagagamit sang pangalan nga Jessica Francisco.
