Ginpahayag ni former Department of Public Works and Highways (DPWH) Secretary Manuel Bonoan nga natukod ang ginatawag nga “Senate Leadership Fund” matapos maalarma ang presidente sa dalagko nga congressional insertions sa national budget.
Santo sa affidavit nga ginsumiter ni Bonoan sa Sandiganbayan, katuyuan sang sistema nga malikawan ang pagbuhin sa pondo sang mga programa sang DPWH kag sa baylo, ginalakip na ang mga priority projects sang mga senador sa proposed DPWH budget.
Suno kay Bonoan, nag-umpisa ang problema sadtong 2023 sang dako ang nabuhin sa pondo para sa mga foreign-assisted project sang DPWH, kun sa diin humalin sa P70.71 billion nangin P7.938 billion na lamang ini.
Suno sa anay tiglikom, ginpalab-ot niya ang problema sa presidente.
Suno diri, ginkabalaka ini sang presidente kag naghatag sang direktiba nga siguruhon nga patas ang distribusyon sang resources.
Bangud sini, gin-propose ni Bonoan ang Senate Leadership Fund para malakip na sa proposed DPWH budget ang mga priority project sang mga senador.
