Ginpahayag ni Senate President Chiz Escudero nga indi pagpadalian sang Senado ang impeachment trial sang Vice President Sara Duterte.
Suno sa pahayag ni Escudero sa pagtililipon sa Senado, patigayunon nila impeachment trial nga may kaisog kag impartially.
Dugang pa sini nga indi nila trabaho nga iconvict ang bise presidente kag indi man ni trabaho nga i-acquit siya.
Suno sa senate president, trabaho nila nga siguruhon nga mahimo ang hustisya kag trabaho nila nga mangin credible kag mapatihan sang publiko ang kongreso.
Ginpanindugan man sini nga bangud ang articles of impeachment ang yara na sa mga kamot sang senado, kinahanglan sang mga ini tumanon ang ila katungdanan bilang impeachment court.
Ginalauman nga talakayon sang Senado ang may kaangtanan sa impeachment sang bise presidente sa pagbalik sang ila session sa Hunyo 2.
