Ginsuhestiyon ni Senate President Francis “Chiz” Escuero ang pagpalab-ot sang issue sa West Philippine Sea sa level sang Association of Southeast Asian Nations (ASEAN) sa tunga sang latest aggression sang China batok sa tropa sang Pilipinas.
Ang newly installed nga Senate top leader ang nagpahayag sini sang siya ang ginpamangkot kun dapat bala nga magfile ang Pilipinas sang isa pa ka kaso batok sa China.
Suno kay Escudero, option ini permi sang gobyerno pero isa sa concern man nga luyag nila nga i-bring up amu nga kuntani testingan kag kun masarangan sang Department of Foreign Affairs, nga ini ang pagadal-on sa ASEAN.
Ini ang regional organization nga ginalakipan sang Pilipinas kag indi malipod ang ini nga issue may kaangtanan sa West Philippine Sea ang nagakatabo sa sulod sang nasakupan sang ASEAN.
Ang ASEAN ang indi kilala bilang isa ka political association apang ini ang isa ka forum kun sa diin sarang nga madiskusyunan ang nagakatabo sa rehiyon.
Apang nag-apelar ang mamalidha sa tanan nga partido nga magpabilin nga kalmado apisar sang nagliligad nga mga tikang nga ginkumiter sang Chinese personnel kag gin-athag nga wala sang may luyag nga magka-gyera sa rehiyon.
