Nagpabutyag sang pagpamatok si Senator Imee Marcos sa impeachment trial ni Vice President Sara Duterte.
Si Senator Marcos nga kilala nga kaalyado ni VP Sara, ang nagpahayag nga dapat magfocus ang gobyerno sa mga problema nga kinahanglan nga i-address.
Suno sa iya, indi sini luyag sang impeachment, destabilisasyon, revolutionary government, resignation kag gamo.
Suno diri, dapat nga magfocus ang gobyerno sa matuod-tuod nga mga problema kaangay sang mataas nga presyo sang bugas, unemployment kag manubo nga sweldo, kakulang sang suporta sa mga mangunguma kasubong man sa mga persons with disabilities, seniors kag iban pa nga vulnerable sectors.
Ginkwestiyon sini kun makasolbar bala ang impeachment kag destabilisasyon sa mga problema nga ginapangatubang sa karun kag gintawag nga makahuluya ang nagakatabo sa karun.
