Ginahingyo ni Sen. Imee Marcos sa Social Security System (SSS), Government Service Insurance System (GSIS), PAG-IBIG, kag Philippine Health Insurance Corp (PhilHealth) ang temporaryo nga pagsuspender sang wage deductions agud mabuhinan ang palas-anon nga gina-eksperyensya sang mga Filipino workers bangud sa padayon nga pagsaka sang presyo sang gatong kag mga basic commodities.
Kadungan sini, ginaduso man sang Senadora ang loan moratorium agud mahatagan sang ligwa ang mga mamumugon, mangunguma, mangingisda, kag tag-iya sang magagmay nga negosyo nga tuman nga naapektuhan sang krisis sa enerhiya, matapos nga nagdeklarar sang State of National Energy Emergency si President Ferdinand Marcos Jr.
Ginpahayag man sang Senadora nga napamatud-an na nga epektibo ang ini nga tikang sang nakaligad nga pandemic kag sa mga nagliligad nga kalamidad.
