Ginpanawagan ni Senator Imee Marcos kay President Ferdinand “Bongbong” Marcos Jr. nga suspendihon ang tatlo ka opisyales sang National Bureau of Investigation (NBI), kalakip si NBI Director Melvin Matibag, may kaangtanan sa natabo nga shooting incident sa Senate building.
Sa iya nga letter nga naka-address sa Presidente, nagpabutyag sang seryoso nga kahangawa ang Senadora sa gintawag sini nga “seige” kag “firing of shots” sang NBI nga suno diri, nakatuga sang alarma sa publiko kag dako nga kwestyon sa seguridad sag Senado, kasubong man accountability sang law enforcement officers nga imbulbado.
Panugyan sang Presidential sister nga temporaryo nga kakason sa pwesto pending sa imbestigasyon sanday NBI Director Atty. Melvin Matibag, NBI-National Capital Region Chief Atty. Emeterio Dongallo, Jr., kag NBI-Organized and Transnational Crime Division Chief Atty. Jerome Bomediano.
Panindugan sang Senadora nga kinahanglan ang temporary relief agud mapreserbar ang integridad kag kredibilidad sang imbestigasyon kag agud madula ang kahangawa sa impluwensya.
Gin-aresto naman ang driver nga empleyado sang NBI, may kaangtanan sa pagpangluthang.
Sa inisyal nga imbestigasyon, ang suspect nga ginkilala nga si Mel Oragon, 44-anyos, may kaangtanan sa pagpangluthang.
Sa inisyal nga imbestigasyon, ang suspect ang gina-alegar armado sang wala pa matumod nga kalibre sang armas-luthang, kag makapila nga nagpalupok sa sulod sang Senate building, nga nagtuga sang panic kag pagka-alarma sang mga yara sa sulod kapin alas-7:50 kagab-i.
Apang una naman gintindugan ni Matibag nga wala sang NBI agenst nga gindeploy sa Senado, kag suno diri ang iya mga opisyal ang nagapatigayon sang 3-day fellowship event sa isa ka hotel.
Apang panidugan ni Senator Imee nga ang mga pahayag ang sugid lamang, kag nagakahangawa na ang mga pumuluyo sa inconsistent nga public statements ni Matibag.
Ini bangod apisar sa pahayag nga yara lamang sa kalapit nga Sequoia Hotel para sa fellowship, makita sa reports kag videos ang gina-alegar NBI agents sa sulod kag palibot sang Senado.
Pahayag sini nga ang wala nagapalarehas nga pahayag, ang mas nagapabug-at pa sa importansya sang imbestigasyon nga wala sang interference ukon pagpamalabag.
