Gindala na sa New Quezon City Male Dormitory Jail matapos boluntaryo nga nagsurrender si Senator Jinggoy Estrada.
Pasado alas-8:00 kagab-i sang nag-abot ang Senador sa Quezon City Jail sa Payatas, Quezon City.
Madumduman nga boluntaryo nga nagsungka ang Senador pila ka oras matapos ginpagwa sang Sandiganbayan Fifth Division ang warrant of arrest batok sa iya sa kaso nga plunder.
Ini ang ginpaidalom sa proseso kaangay sang pagkuha sang fingerprints kag mugshot sa head office sang Criminal Investigation and Detection Group (CIDG) sa Camp Crame.
Matapos sini, ginbalik sang CIDG ang Senador sa Sandiganbayan para sa return-of-warrant sa diin sila ang nagdesisyon nga didto sa Quezon City Jail i-priso ang Senador.
Ginpahayag naman ni Estrada nga handa ini atubangon ang kaso nga ginpasaka batok sa iya.
