Nangin emosyonal si Senator-judge Camille Villar samtang nagapanawagan sa iya mga kaupdanan nga untatan na ang pag-atake sa mga Senador nga wala makatambong sa impeachment trial ni Vice President Sara Duterte.
Sa iya manifestation, ginpahayag ni Villar nga indi kaugalingon nga desisyon sang mga napriso nga Senador ang indi pagtambong sa proceedings.
Panindugan niya nga indi dapat tawgon nga “plunder” ukon “magnanakaw” ang mga Senador nga wala sa trial bangod indi paman ang mga ini convicted sa mga ginapangatubang nga kaso.
Pahayag ni Villar nga “Hindi po sila plunderer. Hindi po sila magnanakaw. Hindi po sila napatunayan na ganoon.”
Bilang pinakabata nga miyembro sang Senado, nanawagan si Villar sa iya kaangay nga Senador nga pangibabawon ang respeto sa kada isa.
