-- ADVERTISEMENT --
Ginhingadlan sang International Criminal Court (ICC) sanday Sen. Bato dela Rosa, Sen. Bong Go, kag pila ka anay hepe sang Philippine National Police (PNP) bilang co-perpetrators sa “Document Containing Changes” angut sa ginapangatubang nga kaso ni anay Presidente Rodrigo Duterte.
Ginpagwa ang dokumento sini nga Biyernes, Feb. 13, sa diin gindetalye ang “common plan” nanday Duterte kag co-perpetrators sa pagpatay sa drug suspects halin sang 2011 tubtob 2019.
Bangud sini, ginaalegar nga “criminally responsible” si Duterte sa pagpatay sa 19 ka biktima sang alkalde pa ini sang Davao, 14 ka biktima nga ginakabig nga high-value targets, kag 45 pa ka iban nga biktima sa iya presidential period.
