Nagdominar ang Senegal matapos tambakan ang Iraq, sa final score nga 5-0, sa ila match up sa Group I sang FIFA World Cup 2026.
Timprano pa nga nagpakita sang mabaskog nga opensiba ang Senegal sang maka-score si Habib Diarra sa ika-4 minutos.
Gindoble naman ni Ismaila Sarr ang advantage sa ika-56 minutos, antes nakapasulod si Pape Gueye sang duha ka magkasunod nga goal sa ika-59 at ika-71 minutos sang hampang.
Gintapos ni Iliman Ndiaye ang pagpaulan sang mga goal sa ika-82 minutos.
Tuman nga nabuldyan ang Iraq matapos mahatagan sang red card si Rebin Sulaka sa ika-13 minuto.
Sa pihak sang dominante nga kadalag-an, nagpabilin ang Senegal sa ikatatlo nga puwesto sang Group I nga may 3 puntos matapos ang tatlo ka match (1 win, 2 losses).
Nagapanguna ang France nga may siyam ka puntos, kasunod ang Norway nga may anum ka puntos.
Samtang, yara naman sa pinakaulihi nga pwesto ang Iraq nga wala pa sang daug.
Sa pihak nga bahin, ginpabilin sang France ang ila winning streak sa FIFA World Cup 2026 matapos ginlutos ang Norway, sa score nga 4-1, sa isa man ka dominante nga match sa Group I.
Nauna nga nakapuntos ang Norway paagi kay Thelo Aasgaard sa ika-21 minutos.
Apang, gilayon nagbawi ang France sang makapasulod si Ousmane Dembélé sang tatlo ka goal sa ika-7, ika-20, at ika-32 minutos agud makumpleto ang isa ka hat-trick.
Ginselyohan naman ni Désiré Doué ang kadalag-an sa time extension para sa ikaapat nga goal sang Les Bleus.
Patas naman ang duha ka team sa 9 fouls kag tig-isa ka yellow card, samtang wala naman sang narecord nga red card.
Nanguna man ang France sa lima ka corner kicks, kumpara sa apat sang Norway.
