Patay ang isa ka senior citizen nga lalaki matapos nga ginbuno sa ulo gamit ang kable sa Purok Singco, Barangay Taculing, Bacolod City kapin alas-8:45 kagab-i.
Ang biktima ang ginkilala nga si Eduard Tornia, 60 anyos, may-asawa samtang ang suspetsado ang ginkilala nga si Louie John Barde, 29 anyos, single lunsay mga residente sa nasambit nga lugar.
Sa inisyal nga imbestigasyon sang Bacolod Police Station 6, nagalantaw sang TV sa sulod sang kaugalingon sini nga balay ang senior citizen sang hinali nalang nga nagsulod ang suspetsado pinaagi sa main door.
Wala naman sang rasun sang hinali nalang sini nga ginbuno ang biktima gamit ang kabilya kag ini ang nagtusok sa natuo nga mata sang senior citizen.
Ang biktima ang gindala pa sa Bacolod Adventist Medical Center (BAMC) apang gindeklarar nga Dead on Arrival alas-9:29 sang gab-i.
Ang Steel Rod ang may kalabaon nga 14 inches ang narecover sa BAMC.
Ang suspetsado ang gilayon man nga nadakpan sang mga kapulisan kag yara na sa kustodiya sang Bacolod Police Station 6.
