Senior Citizen nga nabungguan sang motorsiklo kag fuel tanker sa Brgy Alijis, ginbawian na sang kabuhi

Nagtaliwan na ang senior citizen nga una nabungguan sang motorsiklo kag naipit sang fuel tanker truck sa Purok Pahu, Barangay Alijis, Bacolod City.

Ginkilala ang biktima kay alyas Mario kag residente sang Purok Malapitan sa nasambit nga Barangay.

Santo sa inisyal nga imbestigasyon, nagtabok sa dalan si Mario sang ini ang nabungguan sang motorsiklo nga ginamaneho ni Reymark, rason nga natumba ang biktima sa dalan kag nabungguan pa sang isa ka fuel tanker nga ginamaneho naman ni Nobleza.

Gilayon naman nga gindala sa ospital ang biktima kag ipa-idalom sa operasyon bangud sa mga pilas nga naangkon apang sa latest update ini ang nagtaliwan na.