Ginshare sang Fearless Diva nga si Jona Viray sa una nga kahigayunan ang kabahin sang iya traumatic experience sang siya ang bata pa, kun sa diin ini ang ginamolestiya sang iya amay sa edad nga 10-anyos pa lamang.
Sa isa ka TV Session, ginpahayag ni Jona nga nalipongan ini bangud sang kahadlok sang ginahimo ang pagpangmolestiya sang iya amay sa makapila nga beses.
Suno kay Jona, apisar sang natabo padayon sila nga naga-updanay sang iya amay kag wala ini nanugid sa iban pa bisan sa iya nga mga utod.
Bangud sa trauma, nadulaan siya sang pagsalig sa kaugalingon kag nabudlayan nga magbukas sang iya kaugalingon sa iban.
Samtang sang nagtubo ang edad sini, nagpangita siya sang pagpalangga kag pagbaton sang iban ng tawo agud mapun-an ang kakulangan nga nabatyagan sa iya kaugalingon.
Antes nagtaliwan ang amay ni Jona, nagpadala ini sang mensahe nga nagapangayo ini sang pasaylo nga nagbuhin sa kabug-at sang iya tagipusuon.
Ginpahayag ni Jona nga ang pagsalig sa Diyos amo ang nagbulig sa iya nga magpadayon kag magpatawad.
Dugang pa sini nga ginhingadlan siya nga “Fearless Diva” indi lang tungod sa kun paano siya magkanta kundi bangud man sa iya kaisog nga atubangon ang masakit nga bahin sang iya kabuhi.
