Wala nagakahangawa ang Sentrong Samahan ng mga Tsuper at Operators Negros (SSTONE) sa posibilidad sang pagpanakop sang mga unconsolidated traditional jeepneys, bangod kalabanan sa ila ang nakahingagaw sa pagpaconsolidate.
Sa interview sang Bombo Radyo Bacolod kay SSTONE Secretary-General Junjun Asis, apisar nga ginmando na ni Transportation Secretary Teofilo Guadiz III ang pagpanakop sumugod sa Lunes, Hunyo 10, gina-athag sini nga indi ang Land Transportation Franchising and Regulatory Board (LTFRB) Region 6 ang magapanakop.
Panindugan sini nga Land Transportation Office (LTO) kag Highway Patrol Group (HPG) lamang ang may authority sa pagpanakop sang mga unconsolidated jeepneys, nga sa karun wala pa matumod kun maga-operate gid man sa Lunes.
Paathag ni Asis nga sila ang nagsulod sa consolidation process bangod ini lang ang paagi nga sila ang makapadayun sa pagbyahe.
Ang gina-apelar na lamang nila sa karun amo ang pagpahanugot sa mga traditional jeepney drivers kag operators nga makasulod sa consolidation ilabi na nga sila ang ginkulang lamang sa dokumento.
Suno diri ang mga madinalag-on nga naconsolidate ang nahatagan sang papelis kag QR Code, nga amo ang tsekyaron inkaso may-ara sang dakpanay.
Panawagan lamang sini sa mga drivers nga ilaminate ang mga papelis agud indi maguba kag ibutang sa dashboard sang salakyan.
Sa pihak sini, ginalantaw ni Asis nga dapat pangitaan sang lokal nga gobyerno sang solusyon ang kakulangan sang jeepney units sa pila ka mga routa.
Kasubong man ang paggutok sang mga pasahero sa gab-i pasaka ilabi na nga may oras ang pagbyahe sang mga modernized jeepneys.
