Ginpatigayon na ang simultaneous disposal sang mga nakumpiskar nga palupok kag boga sang Philippine National Police.
Ang ceremonial disposal ang separado nga ginpatigayon sa mga headquarters sang Negros Occidental Police Provincial Office, Bacolod City Police Office, Negros Oriental Police Provincial Office kag Siquijor Provincial Police Office subong nga adlaw.
Ang mga palupok kag boga ang nakumpiskar halin sang Disyembre 27 tubtob 31, 2025.
Ang aktibidad ang ginpatigayon man sa bulig sang Bureau of Fire Protection.
Sa kabug-usan nga Police Regional Office – Negros Island Region, may ara sang nakumpiskar nga 23,111 nga mga palupok nga may ginabanta balor nga P437,778.
Ini ang ginalakipan sang nakumpiskar nga 16,002 nga palupok sa Negros Occidental nga nagabalor P305,022; yara naman sa 5,870 firecrackers nga balor P63,216 ang nakumpiskar sa Negros Oriental; 72 firecrackers nga balor P280 sa Siquijor; 1,101 ka palupok naman ang nakumpiskar sa Bacolod City nga balor P69,260; samtang ang Regional Mobile Force Battalion (RMFB) NIR ang nakakumpiskar man sang 33 ka palupok.
Luwas sa mga palupok nga ginbasa kag ginlubong sa duta agud indi na magamit kag makahalit, ang NOCPPO ang may nakumpiskar man nga 513 ka mga boga nga ila naman nga gindunot.
Wala naman sang may ginpangdakop, sa baylo sila ang ginwarningan lamang ilabi na nga kalabanan nga nakuhaan sang boga ang mga kabataan.
