Nagapanawagan ang Sangguniang Kabataan chairman sang Brgy 39, Bacolod City sag bulig para sa mga basic needs sang mga nasunugan.
Sa interview sang Bombo Radyo Bacolod kay SK Chairman JB Briane Plagata, naghingagaw man pauli si Punong Barangay Dante Danoy nga yara sa luwas sang ciudad bangod ini ang on-leave.
May-ara na sang mga pulis nga ginpabantay sa nasunugan bangod sa pagduging sang mga kawatan.
Nahibaluan nga kulang sa masobra 100 ka pamilya nga nasunugan gikan sa Prk Katilingban 1 kag Katilingban 2 ang napadala nga 40 ka folding beds.
Ini bangod ang iban nga folding beds sang ciudad ang ginpadala sa mga billeting schools para sa mga atleta sang Negros Island Region Athletics Association Meet 2026.
Ang mga fire survivors ang yara sa karun sa gym sang Brgy 39.
Suno diri, may private school na nga nag-offer nga willing magpagamit sang ila covered court sa pag-akumodar sang mga nasunugan.
Pahayag sang SK Chairman nga nakapadala na sang bulig para sa pagkaon si Bacolod City Lone District Representative Alfredo “Albee” Benitez.
Nagalaom man ang mga ini sang bulig gikan kay Bacolod City Mayor Greg Gasataya kag iban nga mga opisyales sang ciudad.
Panawagan sini ang bulig, lakip na sa mga pribado nga indibidwal para sa mga nagapanguna nga panginahanglanon sang mga nasunugan kaangay sang pagkaon, tubig kag mga panapton.
