Pagbulig sa isigkapareho ang isa ka dako nga butang para sa isa ka Social Worker.
Sa interview sang Bombo Radyo kay Joemil Galve, Public Information Officer sang Philippine Association Of Social Workers Incorporated (PASWI) – Negros Occidental Chapter, magapatigayon sila sang World Social Work Day Celebration sa Marso 19, sa pagpromote sang importansya sang Social Work Porfession.
Suno diri, dako ang field nga giansakupan sang isa ka Social Worker, kaangay na lamang sa medical setting, family court, school social worker kag Local Social Welfare Development sang Local Government Unit, probinsya kag national.
Aminado man ini nga madamo sang pagpanghangkat sa trabaho bilang isa ka social worker, kag sa 15 ka tuig sini sa trabaho, nangin memorable naman sa iya ang eksperyensya sini sadtong Bagyong Odette nga madamo sang nangin biktima dala sang halit sang bagyo, bilang Social Worker madamo sang nangin trabaho sini agud mabuligan ang iya isigkapareho.
Ginalauman naman sini sa karun nga makita ang importansya sang Social Worker sa sosyodad.
Pahayag ni Galve, bilang isa ka Social Worker, madamo sang pagpanghangkat apang madamo man sang manami nga eksperyensya ilabi na sa pagbulig sa iban.
