![](https://img.bomboradyo.com/bacolod/2024/07/DEPED-TURNOVER.png)
Opisyal na nga nagpungko si Senator Sonny Angara bilang tiglikom sang Department of Education sa turn-over ceremony nga ginpatigayon sa DepEd Complex sa Pasig City kahapon matapos nga nagresign si Vice President Sara Duterte bilang pinuno sang ahensya sang Hunyo.
Sa symbolic gesture sa seremonya, ginpasa ni Duterte ang seal kag flag sang DepEd kay Angara.
Suno diri, dako nga pagkilala ang pag-appoint sa iya ni President Ferdinand Marcos Jr. bilang bag-o nga tiglikom sang Department of Education kag ginabaton sini nga may pagpakaubos ang nasambit nga responsibilidad bilang sabat sa pagsalig kag pagpanghangkat sang Presidente nga mas paayuhon pa ang nga programa kag mataas nga kalidad para sa mga estudyante.
Ginhatagan man sini sang tribute ang iya predecessor kag iban pa nga mga opisyales sang DepEd kag nagpahayag nga magatukod ini sa ginsuguran nila.
Una na nga ginpahayag ni Angara nga magafocus ini sa pagsimplify sang curriculum kag pag-imprubar sang benepisyo para sa mga manunudlo.
Kadungan sang pagpungko sini bilang tiglikom sang DepEd, nagpadala nama sang sulat si Angara kay Senate President Francis “Chiz” Escudero nga nagapahibalo sang iya pagresign bilang Senador epektibo kahapon, Hulyo 18.