Ginpahayag ni President Ferdinand “Bongbong” Marcos Jr. nga natapos na ang iya speech para sa ikatatlo sini nga State of the Nation Address sa Lunes kag nagapatigayon na lamang sang “fine-tuning” ang iya kampo.
Suno kay Marcos, kay-uhon na lamang nila ang iya speech tubtob sa Domingo agud mangin preparado na sa SONA sa Lunes.
Wala naman naghatag ang Presidente sang dugang nga detalye natuhoy sa unod sang iya ikatatlo nga address sa pungsod.
Ang Kongreso ang magabukas sang ikatatlo sini nga regular session sa Lunes, Hulyo 2022 kag pagkahapon, si Marcos ang magapatigayon sang iya ikatatlo nga SONA.
Una na nga ginpahayag ni Presidential Communications Office Secretary Cheloy Garafil nga ang Radio Television Malacanang ang magadirect sang SONA sang Presidente.
Nagpasalig man si House Speaker Martin Romualdez nga “more than ready” na ang Kamara para sa SONA.
