Handa si Atty. Salvador Paolo A. Panelo, Jr. nga atubangon ang Show Cause Order nga ginpagwa sang Senate Impeachment Court, kag ginpahayag ang freedom of speech bilang proteksyon sa iya mga komento.
Nagpanindugan ini nga protektado sang Konstitusyon ang iya mga pahayag sa Senate Impeachment court.
Sa pahayag ni Panelo kahapon, ginsiling niya nga handa siya nga ipaathag ang mga nangin statement agud mapamatud-an nga wala ini sang malain nga intensyon kag indi sini tuyo nga balabagan ang proseso sang hustisya.
Ginsaysay ni Panelo ang pila ka mga desisyon sang Korte Suprema nga nagahatag sang pagtamod sa hilway nga pagpahayag.
Ginmensyonar sini ang kaso nga Garcia, Jr. v. Manrique (G.R. No. 186592, October 10, 2012), sa diin may gahum ang korte nga maghatag sang penalidad sa contempt apang wala ini nagakahulugan nga indi na pwede kwestyunon sang publiko ang mga desisyon kag tikang sini.
Gindugang man niya ang kaso sang Tolentino v. Heydarian (G.R. Nos. E-01742 & E-01747, April 8, 2026) nga natuhoy naman sa hilway nga pagdiskurso.
Suno kay Panelo, pormal ini nga magasabat sa SCO sa sulod sang gintalana nga oras.












