Nagluntad naman ang linupok kaina sang aga sa isa ka bahin sang Barangay Carabalan, ciudad sang Himamaylan kasunod sang engkwentro sa tunga sang mga miyembro sang 94th Infantry Battalion kag mga katapo sang New People’s Army.
Sa interview sang Bombo Radyo kay Brigadier General Inocencio Pasaporte, commander sang 303rd Infantry Brigade, antes ang alas-6:00 kaina sang aga, naabutan sang tropa ang ginapatihan nga miyembro man sang grupo nga naengkwentro sang mga suldado kahapon.
Suno kay Pasaporte, malip-ot lang ang pagbayluhanay sang lupok sa armado nga mga lalaki.
Nagpatigayon man sanday Pasaporte sang aerial reconnaissance agud makahatag sa mga suldado sang aerial visuals nga ila magamit sa padayon nga operasyon.
Suno sa Army official, may mga shots nga indi na nila mapagwa sa publiko bangud para lang ini sa consumption sang mga suldado.
Tinutuyo lamang sanga aerial shots nga ginrelease kaina suno kay Pasaporte nga makit-an sang publiko kun sa diin dampi ang encounter site.
Kahapon, nakarecover ang mga suldado sang backpack nga may personal nga kagamitan sang mga rebelde.// Suno diri, medyo maluya na ang mga rebelde kun wala sila nakakaon halin kahapon tubtub subong.
