Hugot nga nagapati si Sports Analyst Monico “Nukes” Puentevella nga Oklahoma City Thunder ang magadaog sa Game 7 sang NBA Finals sa Lunes.
Madumduman nga nakuha sang Indiana Pacers ang kadalag-an sa Game 6 sa score nga 108-91.
Sa interview sang Bombo Radyo Bacolod kay Puentevella, ang National Basketball Association amo ang nagdaog, bangod dako nga kwarta ang magasulod sa ila kun magdangat sa Game 7 ang hampang.
Sa personal sini nga paglantaw sa 17-points lead sa resulta sang Game 6, ginhungod ang pagdaog sang Indiana agud makapahuway ang players sang Oklahoma.
Dugang pa sini nga ginhatagan sang tyansa nga makadaog ang Indiana bangod indi luyag sang Oklahoma nga makuha ang Championship title sa iban nga lugar.
Gani ginalantaw sini nga hungod nga ginpalab-ot sa Game 7 agud magbalik sa ila home court, agud mangin mas memorable ang pagkuha sang NBA title.
Mensahe man sini sa mga dako ang pagsalig sa Indiana nga magpulupaminsar na.
Panugyan na lamang ni Puentevella nga i-enjoy na lamang ang Game 7 sa Lunes.
