Indi makapati ang sports analyst nga nagdangat sa pito ang abanse sang Oklahoma City Thunder apisar nga sa home court sang Indiana Pacers ginpatigayon ang Game 4.
Nagtapos ang hampang sa score nga 111-104 pabor sa Oklahoma.
Sa interview sang Bombo Radyo Bacolod kay Sports Analyst Monico “Nukes” Puentevella, dako nga bentaha sa hampang ang home court, kag kun malutsan man sang kontra, ini ang sa masami isa ukon duha ka puntos lamang.
Ginalantaw sini nga ihaw ang hampang kag may mafia sa likod sini.
Ini sa pagpati nga mas dako ang kwarta kun maglab-ot sa Game 7 ilabi na nga world wide ang nagapinusta-anay.
Suno diri, siya ang kaangay nga madulaan na sang gana sa NBA bangod sa natabo.
Ini ang masakit naman para sa mga nagplus-5 ukon nagpusta para sa Indiana apisar nga maglima pa ang abanse sang Oklahoma, bangod nagdangat sa pito ang abanse.
Ginalantaw ni Puentevella nga hungod nga padangatun sang NBA sa Game 7 ang hampang bangod parehas gutom sa kadalag-an ang duha ka team bangod madugay na nga wala nahatagan sang tyansa sa Finals.
