BACOLOD CITY — Nagapati si Philippine Honorary Consul Abdulla Salih nga wala sang epekto sa turismo sa Maldives ang gindeklarar nga state of emergency sa sulod sang 15 ka adlaw bangud sa political crisis.
Nahibaluan nga bangud sa state of emergency, may yara sang gahom si President Abdulla Yameen Abdul Gayoom nga ipaaresto kag prisuhon ang mga oposisyon.
Sa exclusive interview sang Bombo Radyo Bacolod, ginpahayag ni Philippine Consul Abdulla Salih nagikan sa Male, Maldives nga wala sang restrictions sa mga turista nga nagasulod sa pungsod rason nga bisan sin-o lang ang makabisita diri.
Sa karon suno kay Salih, puno ang halos tanan nga mga resorts sa Asian nation nga kilala bangud sa beaches kag blue lagoons.
Wala man suno sa iya sang international pressure kundi panawagan lamang nga batunon sang presidente ang mandu sang Korte Suprema nga hilwayon ang mga political prisoners.
Nagalaom naman ang opisyal nga magabalik na sa normal ang sitwasyon sa isla matapos ang 15 ka adlaw kag wala na sang extension.