Yara na lamang sa Tropical Cyclone Wind Signal No 1 ang nadagdag sa pila ka mga local government units sa Negros Occidental kalakip ang Bacolod City.
Sa weather update sang alas-2:00 sini nga hapon, ang Severe Tropical Storm OPONG ang naglandfall sa Mansalay, Oriental Mindoro.
Ang sentro sang Bagyo ang ulihi nga nasiplatan sa vicinity sang San Jose, Occidental Mindoro.
Dala sini ang kabaskugon sang hangin nga nagadangat sa 110 km/h kag pagmadlos nga tubtob 150 km/h.
Ang Bagyo ang nagahulag padulong sa nakatungdan nga dereksyon sa kadasigon nga 20 km/h.
Alas-2:00 subong nga hapon, yara gihapon sa Storm Signal No. 1 ang northern kag central portions sang Negros Occidental, kalakip diri ang:
-Bacolod City
-Calatrava
-Salvador Benedicto
-San Carlos City
-Talisay City
-Bago City,
-Murcia
-La Castellana
-Valladolid
-Pulupandan
-La Carlota City
-San Enrique
-Pontevedra
-Moises Padilla
-Isabela
-Hinigaran
-Escalante City
-Toboso
-Cadiz City
-Sagay City
-Manapla
-Victorias City
-EB. Magalona
-Silay City
Kasubong man sa northern portion sang Negros Oriental nga ginalakipansang banwa sang Vallehermoso, Canlaon City kag Guihulngan City.
Sa Visayas, ginpaidalom naman sa Signal No 2 ang naaminhan nga bahin sang Antique, nabilin nga bahin sang Aklan, Capiz, ka naaminhan nga bahin sang Iloilo.
Ang Bagyo OPONG ang ginalauman nga maglapos sa Mindoro Strait subong nga hapon kag magapadulong na sa West Philippine Sea.
Ini ang ginalauman nga maggwa sa Philippine Area of Responsibility bwas sa hapon.
